സ്ഥാപനത്തിന്റെ സ്വഭാവത്തിന് അനുസരിച്ച രജിസ്ട്രേഷന് എടുക്കല് പ്രധാനമാണ്. പ്രൈവറ്റ് ലിമിറ്റെഡ്, ലിമിറ്റഡ് കമ്പനി ആയാണ് തുടങ്ങുന്നതെങ്കില് രജിസ്ട്രാര് ഓഫ് കമ്പനീസിന്റെ നിയമാവലി അനുസരിച്ചു രജിസ്ടര് ചെയ്തിരിക്കേണ്ടതാണ്. ഒന്നിലേറെപ്പേര് ചേര്ന്ന് പാര്ട്ണര്ഷിപ്പ് അടിസ്ഥാനത്തില് സ്ഥാപനം തുടങ്ങുമ്പോള് അതിനു ഇന്ത്യന് പാര്ട്ണര്ഷിപ്പ് നിയമത്തിന്റെ പരിധിയില് പാര്ട്ണര്ഷിപ്പ് ഫേം ആയി രജിസ്ടര് ചെയ്യാനുള്ള സൗകര്യം തിരുവനന്തപുരത്തെ രജിസ്ട്രാര് ഓഫ് ഫേംസിന്റെ ഓഫീസിലാണ് ഉള്ളത്. പാര്ട്ണര്ഷിപ്പ് ഡീഡിന്റെ അടിസ്ഥാനത്തിലും പങ്കാളിത്ത വ്യവസ്ഥയില് സ്ഥാപനം തുടങ്ങാനാവും. എല്ലാ സ്ഥാപനങ്ങള്ക്കും അതാതിന്റെ നിയമ പരിധിയുണ്ട്. സംസ്ഥാന ലേബര് ഓഫീസില് ആണ് ഷോപ്സ് ആന്ഡ് കമ്മേര്ഷ്യല് എസ്ടബ്ലിഷ്മെന്റ്റ് സ്ഥാപനങ്ങള് രജിസ്ടര് ചെയ്യേണ്ടത്. രേജിസ്ട്രാര് ഓഫ് കോ-ഓപ്പറെറ്റീവ് സോസൈടീസിന്റെ ഓഫീസുകളില് ആണ് സഹകരണ പരിധിയില് ഉള്പ്പെട്ട സ്ഥാപനങ്ങള് രെജിസ്ടര് ചെയ്യേണ്ടത്.
തുടങ്ങുന്ന സ്ഥാപനത്തെക്കുറിച്ചുള്ള ആസൂത്രണമായിക്കഴിഞ്ഞാല് രജിസ്ട്രേഷന്റെ നിയമാവലികള് സംരംഭകര് നന്നായി പഠിച്ചു മനസ്സിലാക്കുക തന്നെ വേണം. അപ്പോഴേ മുന്പോട്ടുള്ള വഴി സുഗമമാവൂ. ഇതിനു പുറമേ, ഓരോ തരത്തിലുള്ള ഉല്പ്പന്നങ്ങള് നിര്മ്മിക്കുന്നതിനും പ്രത്യേക വകുപ്പുകളിന്മേലുള്ള ലൈസന്സുകളും കരസ്ഥമാക്കണം. ഭക്ഷ്യ ഉല്പ്പന്നങ്ങള് ആണെങ്കില് ഫുഡ് ലൈസെന്സ് എടുക്കണം. ഹെല്ത്ത് ഡിപ്പാര്ട്ട്മെന്റ് ആയിരിക്കും ഇവ നല്കുന്നത്. കുഴല്ക്കിണറുകള് കുഴിക്കുന്നതിന് ഭൂഗര്ഭജല വിഭവ വകുപ്പില് നിന്നുള്ള അനുമതി വേണം. ഘനനവുമായി ബന്ധപ്പെട്ട ബിസിനെസ്സാനെങ്കില് മൈനിംഗ് ആന്ഡ് ജിയോളജി വകുപ്പില് നിന്നാണ് അനുമതി വേണ്ടത്.
ഇത്തരത്തില് എന്തൊക്കെ അനുമതികളും മറ്റുമാണ് വേണ്ടത് എന്ന് കൃത്യമായി അറിയാന് അതതു ജില്ലകളിലെ വ്യവസായകേന്ദ്രത്തിന്റെ സഹായം അഭ്യര്ത്തിക്കുന്നത് ഉചിതമാവും. ഇതിനെല്ലാമുപരിയായി സ്ഥാപനം പ്രവര്ത്തിക്കുന്ന പഞ്ചായത്ത്- മുനിസിപ്പാലിറ്റി- കോര്പ്പരേഷന് സ്ഥാപനങ്ങളില് എതാനെങ്കില് അതിന്റെ അനുമതിയും വേണം!!!
-ടി.എം.എം ബ്യൂറോ
No comments:
Post a Comment