എല്ലാ തയ്യാറെടുപ്പുകളും സൂക്ഷ്മനിരീക്ഷണങ്ങളും നടത്തി മുന്‍പോട്ടു കൊണ്ടുപോവുന്ന സംരംഭം ദീര്‍ഘകാലം നിലനില്‍ക്കാന്‍ ഏറ്റവും വേണ്ടതാണ് വില്പ്പനാന്തര സേവനവും ഉപഭോക്താവുമായുള്ള നല്ല ബന്ധവും. ഇതില്‍ വരുന്ന പിഴവുകള്‍ക്ക് വലിയ വില കൊടുക്കേണ്ടി വരും എന്നത് ഉറപ്പാണ്.
ഉപഭോക്താവിന്റെ പരാതികള്‍ക്ക് ചെവി കൊടുത്തേ തീരൂ. അവ പരിഹരിക്കാനുള്ള ആത്മാര്‍ത്ഥ ശ്രമവും വേണം. ദേഷ്യക്കാരന്‍ ആയ പരാതിക്കാരനോട് ദേഷ്യപ്പെടുന്ന വില്‍പ്പനക്കാരന്‍ ഒരു ഉപകാരവും ഇല്ലാതെ ഒരു മിത്രത്തെ ശത്രു ആക്കുകയാണ്. ഒരേ പരാതികള്‍ ആവര്തിക്കുന്നുന്ടെങ്കില്‍ ആ ഉല്‍പ്പന്നത്തിനു ശരിക്കും എന്തോ കുറവുണ്ട് എന്നത് തീര്‍ച്ചയാണ്. അത്തരം സന്ദര്‍ഭത്തില്‍ തല്ക്കാല രക്ഷക്കായി ഉപഭോക്താവിനെ കുറ്റപ്പെടുത്തി അയക്കുമ്പോള്‍ ഓര്‍ക്കുക, അവര്‍ നിങ്ങളുടെ ഉല്‍പ്പന്നത്തിന്റെ ഏറ്റവും മോശം പ്രചാരകരായി മാറുമെന്ന്‌. നിങ്ങളുടെ ഉള്പ്പന്നത്തില്‍ സംതൃപ്തരായ ഒരു ഉപഭോക്താവ് നിങ്ങള്‍ക്ക് അനേകം പുതിയ ഉപഭോക്താക്കളിലേക്കുള്ള കിളിവാതില്‍ ആണ്. ലക്ഷങ്ങള്‍ മുടക്കി തയ്യാറാക്കുന്ന പരസ്യ പ്രചാരണങ്ങലേക്കാള്‍ ഉപഭോക്താക്കള്‍ വിലമതിക്കുന്നത് അനുഭവത്തില്‍ നിന്നുള്ള അഭിപ്രായങ്ങളെയാണ്. ഉപഭോക്താവ് ത്രുപ്തനല്ലെങ്കില്‍
അത് ഉല്‍പ്പന്നത്തിന്റെ വിപണിയെയും വിശ്വാസ്യതയേയും തകര്‍ത്തുകളയും. അസംതൃപ്തരായ കസ്ടമര്‍ നിങ്ങളുടെ ഉല്‍പ്പന്നത്തിന്റെ വിപണിയെ കാര്യമായി ദോഷം ചെയ്യും. നിങ്ങളുടെ ഉല്‍പ്പന്നത്തിന്റെ കുറവിനെക്കുരിച്ചു നിങ്ങളുമായി ചര്‍ച്ച ചെയ്യുന്ന കസ്ടമര്‍ നിങ്ങളുടെ യഥാര്‍ത്ഥ മിത്രമാണെന്ന് തിരിച്ചറിയുക.
-ടി.എം.എം ബ്യൂറോ
-ടി.എം.എം ബ്യൂറോ
No comments:
Post a Comment