കമ്മ്യൂണിസ്റ്റ് രാഷ്ട്രമായാണ് അറിയപ്പെടുന്നതെങ്കിലും വടക്കന്‍ കൊറിയയില്‍ ഭരണം നടത്തുന്നത് യഥാര്‍ത്തത്തില്‍ സഖാവ് കിമ്മിന്റെ കുടുംബവും സൈന്യവും ചേര്‍ന്നാണ്. തന്റെ അവസാനകാലമായപ്പോള്‍ മകന്‍ കിമ്മിനെ വാഴിക്കുന്നതിനു മുന്‍പ് കിം ജോംഗ് ഇല്‍ ചെയ്തത് ഒരു പ്രവര്‍ത്തനപരിചയവും ഇല്ലാത്ത മകനെ നാല് നക്ഷത്രങ്ങള്‍ ഉള്ള സൈനീക ജനറല്‍ ആക്കുകയാണ്. മകന്‍ മാത്രമല്ല, അന്തരിച്ച ഏകാധിപതിയുടെ സഹോദരി കിം ക്യോംഗ് ഹീ- യും അവരുടെ ഭര്‍ത്താവ് ജംഗ് സോംഗ് തേക്- ഉം നാല് നക്ഷത്രങ്ങള്‍ ഉള്ള ജനറല്‍മാരാണ്. കിം ജോംഗ് ഇല്‍ കഴിഞ്ഞാല്‍ ഭരണത്തിലെ അവസാന വാക്ക് ഈ സഹോദരീ ഭര്‍ത്താവ് ആയിരുന്നുവത്രേ. ഇവരെ നിലക്ക് നിറുത്താനായി കുറച്ചു കാലം 'പുനര്‍ രാഷ്ട്രീയ വിദ്യാഭ്യാസത്തിനായി' ഏതോ കൊറിയന്‍ ഉള്‍നാട്ടിലേക്ക് അയച്ചുവെങ്കിലും പിന്നീട് തിരിച്ചു വിളിക്കുകയായിരുന്നു. അടുത്ത ഭരണാധികാരി ആരായിരുന്നാലും യഥാര്‍ത്ഥ ഭരണം ഈ അളിയന് ആയിരിക്കുമെന്നാണ് അരമനരഹസ്യം. മകന്‍ കിമ്മിന് പക്വത ഇതും വരെ അളിയന് റീജന്റ് ആയി ഭരിക്കാന്‍ ആണത്രേ സാധ്യത. കാരണം അധികാരശ്രേണി അനുസരിച്ച് പ്രഥമ സ്ഥാനത്തുള്ള, ഉത്തര കൊറിയക്ക് ഉണ്ടെന്നു പറയപ്പെടുന്ന 2 ആനവപോര്മുനകളുടെയും നിയന്ത്രണം കയ്യാളുന്ന, നാഷണല്‍ ഡിഫന്‍സ് കമ്മീഷനില രണ്ടാം സ്ഥാനക്കാരനാണ് അളിയന് ജംഗ് സോംഗ് തേക്.
മകന്‍ കിം നാഷണല്‍ ഡിഫന്‍സ് കമ്മീഷനിലേക്ക് ഉയര്‍ത്തപ്പെടുകയും അങ്ങനെ ഒരു അധികാരമത്സരം ഉണ്ടാവുമെന്നും അങ്ങനെ ഇവരില്‍ ഒരാള്‍ ഒതുക്കപ്പെടുമെന്നും മനപ്പായസം ഉണ്ണുന്ന പാശ്ചാത്യ മാധ്യമങ്ങള്‍ കാണാതെ പോവുന്നത് ചൈന എന്നാ വലിയൊരു ഘടകത്തെയാണ്. ചൈനയെപ്പോലും അറിയിക്കാതെ ഗൗരവമുള്ള കാര്യങ്ങളില്‍ തീരുമാനങ്ങള്‍ എടുക്കുകയും നടപ്പാക്കുകയും ചെയ്യുന്ന നിഗൂഡരാഷ്ട്രം എന്നൊക്കെ ഭംഗിയില്‍ പറയുന്നുണ്ടെങ്കിലും ഉത്തര കൊറിയക്ക് തങ്ങളോടുള്ള വിധേയത്വം ചൈനക്ക് നന്നായി അറിയാം. ദക്ഷിണ കൊറിയയെയും ജപ്പാനെയും മുന്‍നിറുത്തിയുള്ള അമേരിക്കയുടെ ഏഷ്യയിലെ രാഷ്ട്രീയ ലക്ഷ്യങ്ങള്‍ തടയാന്‍ പറ്റിയ കൃത്യമായ കരുതല്‍ മേഖലയാണ് ഉത്തര കൊറിയ എന്നതുകൊണ്ട്‌ തന്നെ അവിടത്തെ ഏത് അധികാരമത്സരവും കൈവിട്ടുപോവാതിരിക്കാന്‍ ചൈന ശ്രദ്ധിക്കും എന്നത് ഉറപ്പാണ്.പിന്‍ഗാമിയായി പ്രഖ്യാപിക്കുന്നതിനു മുന്‍പ് മകനെയും കൊണ്ട് കിംഗ് ജോംഗ് ഇല്‍ ചൈന സന്ദര്‍ശിച്ചിരുന്നു എന്നാ വസ്തുത, ചരടുകള്‍ എവിടെയാണെന്ന് വ്യക്തമാക്കുന്നു. 9500 ആണവ പോര്‍മുനകള്‍ ഉള്ള അമേരിക്കയെ വെറും 2 പോര്‍മുനകള്‍ മാത്രം ഉള്ള (അതും സ്ഥിരീകരിക്കപ്പെട്ടിട്ടില്ല) ഉത്തരകൊറിയ വിറളി പിടിപ്പിക്കുന്നതും അതുകൊണ്ടാണ്.
ജനാധിപത്യത്തിന്റെയും മനുഷ്യാവകാശത്തിന്റെയും കാര്യത്തില്‍ ആര്‍ക്കും വിദൂര പ്രതീക്ഷകള്‍ പോലും ഉത്തര കൊറിയയുടെ കാര്യത്തില്‍ വേണ്ട. പത്ത് ലക്ഷം വരുന്ന സൈനീകരുടെയും വധശിക്ഷ ഉള്‍പ്പെടെയുള്ള അടിച്ചമര്‍ത്തലിന്റെയും മുന്‍പില്‍ പിടിച്ചു നില്‍ക്കാന്‍ തങ്ങള്‍ക്കു കഴിവില്ലെന്ന് അറിയാവുന്ന ജനത കൊടിയ പട്ടിണി സഹിച്ചും ഭരണകൂടവിധേയരായി കഴിഞ്ഞുകൂടും എന്നതിനാല്‍ തന്നെ തത്കാലം പയ്യന്‍ സഖാവ് കിം മൂന്നാമന്‍ വടക്കന്‍ കൊറിയ വാഴും!!!
-ഷാജി കാക്കശ്ശേരി
Hai Shaji, congratulations for pointing out the strong facts. The very rare will have the back-bone to tell the truth loudly. Special thanks to THE MIRROR also.
ReplyDeleteAdhikaara kendrangalkku puram chorinju kodukkunna malayaalathile mukhyadhaaraa maadhyamangalkku oru badhal aayi nilakollunna THE MIRROR-inum, vyakthamaaya kaazchappaadu ulla SHAJI KAKKASSERY-kkum abhivaadhyangal!!!
ReplyDeleteHai Shaji Kakkassery, congratulations & wish you all the best.
ReplyDelete