ONNU NILKKANE...

ഒന്ന് നില്‍ക്കണേ ദേവീ
ഞാനൊന്ന് പുണര്‍ന്നോട്ടെ 

പിന്നെ നീ തുടര്‍ന്നോളൂ
ഗമനം മുന്നെപ്പോലെ

     പുത്തനാടകള്‍ നിത്യം
     മാറി നീ ചമയുമ്പോള്‍

     അറിയുന്നീലാ നിന്നെ
     എങ്ങനെ പൂകേണ്ടൂ ഞാന്‍

വാത്മീകിയന്നേകിയ
വല്‍ക്കലം മാറ്റിപ്പുത്തന്‍

മുണ്ടും വേഷ്ടിയും കാളി-
ദാസനോ നിനക്കേകി

     കുഞ്ച, തുഞ്ചന്മാര്‍ തന്ന
     സാരിയില്‍ നിന്നെക്കണ്ടൂ

     അന്നൊന്നും പൂകാന്‍ നിന്നെ
     കഴിഞ്ഞില്ലെനിക്കൊട്ടും

പിന്നെ ഞാന്‍ കണ്ടൂ നിന്നെ
ആശാനും വള്ളത്തോളും

ഉള്ളൂരും ചുറ്റിപ്പറ്റി
ശ്രുംഗരിച്ചീടുന്നതായ്

     ആശിച്ചു ഞാനന്നൊന്നു-
     മടുക്കാന്‍ കഴിഞ്ഞില്ല

     ഇന്നിതാ നിന്നെക്കാണു-
     ന്നത്യന്താധുനികത്തില്‍

അയ്യപ്പപണിക്കരും
കൂട്ടരുമണിയിച്ച

വേഷത്തിലഹന്തയാര്‍-

ന്നമരും നിന്നെപ്പൂകാന്‍

     കൊതിക്കുന്നെന്നെത്തെല്ലോ-
     ന്നടുപ്പിക്കണേ ദേവീ

     ഒന്ന് നില്‍ക്കണേ ദേവീ
     ഞാനൊന്ന് പുണര്‍ന്നോട്ടെ!!!


-പി.കെ.ഫ്രാന്‍സീസ് മാസ്റ്റര്‍, ചിറ്റാട്ടുകര

(Courtesy: JOURNAL, Trichur Training College- 1977)

USA v/s CHINA

ശീതയുദ്ധം എന്ന പേരില്‍ സോവിയറ്റ്‌ യൂണിയനും അമേരിക്കയുമായി ഉണ്ടായിരുന്ന ബലാബലം ഇന്ന് മാറിമറിഞ്ഞു ചൈനയും അമേരിക്കയും തമ്മില്‍ നടന്നുകൊണ്ടിരിക്കുകയാനെന്നാണ്  അന്താരാഷ്‌ട്ര നയതന്ത്ര നിരീക്ഷകരുടെ അഭിപ്രായം. ഡോളറും യുവാനും തമ്മിലെ വടംവലികള്‍ മാത്രമല്ല അതിനു അടിസ്ഥാനം എന്ന് അറിയുമ്പോള്‍ ആണ് കാര്യത്തിന്റെ ഗൌരവം നമുക്ക് മനസ്സിലാവുക. ആഫ്രിക്കന്‍ രാഷ്ട്രങ്ങളില്‍ ഒരുകാലത്ത് ആധിപത്യമുരപ്പിച്ചിരുന്ന അമേരിക്കന്‍ താല്പര്യങ്ങള്‍ക്ക് ഇന്ന് ഇളക്കം തട്ടിത്തുടങ്ങിയിരിക്കുന്നു. പ്രകൃതി വിഭാവങ്ങലാല്‍ അധിസംബന്നമായ  ആ രാഷ്ട്രങ്ങളെ കടക്കെണിയില്‍ വീഴ്ത്തി തങ്ങളുടെ കീഴില്‍ നിറുത്തിയിരുന്ന അമേരിക്കന്‍ തന്ത്രത്തിന് അതെ നാണയത്തില്‍ തിരിച്ചടി കൊടുത്തുകൊണ്ടാണ് ഇന്ന് ചൈന കളത്തില്‍ നിറഞ്ഞു നില്‍ക്കുന്നത്. ഒരിക്കല്‍ വാങ്ങിയ കടം കൃത്യമായി തിരിച്ചടക്കുന്നവര്‍ക്ക് കൂടുതല്‍ കടം അനുവദിച്ചു അയാളെ കുപ്പിയില്‍ ഇറക്കുന്ന നമ്മുടെ പുത്തന്‍ തലമുറ ബാങ്കുകളുടെ രീതി പിന്തുടരുന്ന അമേരിക്കക്കുള്ള ചൈനയുടെ മറുപടി കടം കൃത്യമായി തിരിച്ചടക്കുന്നവര്‍ക്ക് കൂടുതല്‍ സബ്സീടി കൊടുത്തുകൊണ്ടാണ്. ആഫ്രിക്കയിലെ ദാര്ഫര്‍ പോലുള്ള സ്ഥലങ്ങളില്‍ നേരിട്ട് ഇരുകൂട്ടരും കളത്തില്‍ ഇറങ്ങിക്കൊണ്ടാണ് കളി. എണ്ണയാണ് ദാര്ഫരിലെ പ്രശ്നമെങ്കില്‍ ഘനികളാണ് ആഫ്രിക്കയിലെ മറ്റിടങ്ങളിലെ പ്രശ്നം.

എന്തായാലും ഒരു കേന്ദ്രീകൃത ലോകക്രമത്തെ ഭയത്തോടെ നോക്കിക്കാണാന്‍ തയ്യാറെടുത്ത നമുക്ക് ആശ്വാസത്തിന് വകയുണ്ടെന്നു തോന്നിയാലും ഇതില്‍ ഒളിഞ്ഞിരിക്കുന്ന മറ്റൊരു വസ്തുത നമ്മുടെ അയല്നാടും ശക്തനും വാക്കിനു വ്യവസ്തയില്ലാതവനുമായ ചൈനക്ക് ലോകക്രമത്തില്‍ ഉണ്ടാവുന്ന ഇതൊരു മുന്നേറ്റവും അവര്‍ക്ക് നമ്മുടെ അതിര്‍ത്തികള്‍ കൂടുതല്‍ അകത്തേക്ക് മാന്താനുള്ള തന്റേടം കൊടുക്കും എന്നതാണ് അത്. അത് തടയാന്‍ നമുക്ക്, അമേരിക്ക എന്ന് കടലാസ്സില്‍ എഴുതിക്കാണിച്ചാല്‍ ഉടന്‍ ചുവപ്പ് കണ്ട കാളയെപ്പോലെ കലി തുള്ളുന്ന മാര്‍ക്സിസ്റ്റുകാരെ ദൂതുമായി അയക്കാന്‍ പറ്റുമോ ആവോ!!!


-ഡിസൂസ

MIRROR of the SOCIETY

'ദി മിറര്‍' (www.themirrormagazine.blogspot.com) സമൂഹത്തിന്റെ നേര്‍ക്ക്‌ പിടിച്ച കണ്ണാടി ആവാന്‍ കഴിവും താല്‍പര്യവും ഉള്ള യുവ തലമുറയില്‍ നിന്നും മലയാളം രചനകള്‍ ക്ഷണിക്കുന്നു.

സമകാലിക വിഷയങ്ങളെ അധികരിച്ചുള്ള ലേഖനങ്ങള്‍, കഥകള്‍, കവിതകള്‍, സാഹിത്യ നിരൂപണം തുടങ്ങിയ വിഷയങ്ങളില്‍ രചനകള്‍ അയക്കാന്‍ താല്‍പര്യപ്പെടുന്നവര്‍ വ്യക്തമായ മേല്‍വിലാസവും ഫോട്ടോയും ഫോണ്‍ നമ്പരും സഹിതം ബന്ധപ്പെടുക:

dannydezuza@gmail.com


-ചീഫ് എഡിറ്റര്‍